ازاى تعمل ديكورات باقل التكاليف

ديكورات باقل التكاليف

مع مرور الوقت كلنا بنزهق من ديكور والوان البيت وخصوصا مع دخول فصل جديد من فصول السنة ، فلازم من وقت للتانى نغير من شكل بيتنا عشان منزهقش منه ومن القعدة فيه ومع التطور الحاصل في المجال فأصبح من الضرورى اننا نعمل ديكورات باقل التكاليف عشان تناسب الميزانية.

فنضطر نأجل شوية لحد ماتيجى اللحظة المناسبة وعشان كده هنوضح مجموعة نقط تساعدك انك تجدد الديكور والشكل العام لبيتك وتخليه جنة ليك ولاسرتك.

ديكورات باقل التكاليف فى غرفة المعيشة

 

وبما ان غرفة المعيشة بنقعد فيها بالساعات مع بعض واكتر مكان نتقابل فيه ، وبالتالى تغيير ديكوراتها من وقت لآخر فرصة ليك عشان تسعد اولادك بالوان جديدة وتخليهم منبهرين ، تعالى نشوف افكار ديكورات بسيطة اوى ومش هتاخد منك فلوس كتير :

مخدات ترتر

مخدات ترتر لعمل ديكورات باقل التكاليف
Africa Studio/stock.adobe

ممكن تخلى على الكنبة مخدتين أو ثلاثة عليهم اشكال من الترتر يكون لامع ويجذب اولادك لغرفة المعيشة ويفضل انك متحطش كتير منهم لان شكلهم ملفت للانتباه ، وبردو ممكن تخلى معاهم مخدة من القماش السادة او المشجر تكون ملائمة ليهم.

مفرش ترتر لامع

 

الكلام ده هيخص ستات البيوت اكتر ، خلى على الترابيزة  مفرش ترتر لامع بلون قريب وماشى مع الألوان فى الغرفة ، ولازم تعرف أن الترتر بيعطى شكل مختلف ويظهر ديكور الغرفة و ضرورى يبقى فيه توافق بين المفرش والمخدات عشان يكون الشكل النهائى كويس ومبهج للعين ده لو انت مش بتحب التحف.

استخدام الفرو

استخدام الفرو فى الديكور
Alena Ozerova/stock.adobe

ممكن تعمل ديكورات باقل التكاليف عن طريق استخدام قطعة من الفرو على الكنبة ودى بدورها هتخفى عيوب الكنب لو شكله باهت ومفيش ميزانية كبيرة عشان تجدده ، وممكن قطعة من الفرو على ارضية الغرفة تعطي شكل حلو بدل السجاد التقليدي واللى بيكون سعره غالى.

ينصح انك متزودش قطع الفرو فى المكان لان ده هيعمل تشتت انت فى غنى عنه حاليا ، وخاصة ان هدفك تعمل ديكورات باقل التكاليف وفى الوقت نفسه يكون شكلها شيك.

اكسسوارات لغرفة المعيشة

ديكورات باقل التكاليف فى غرفة المعيشة
GSPictures/gettyimages

وجود الاكسسوارات ده شىء يرجع لرغبتك لو كنت مش حابب وجودها في المكان ، ممكن تستبدلها بالمخدات وتوزعها على الأرض بطريقة معينة وبالنسبة لاكسسوارات الترابيزة يفضل انك تخليها على مفرش عادى مش ترتر وده عشان ميبقاش فيه تشتت انتباه.

يفضل انك تبعد عن الاكسسوارات لو كان عندك اطفال ، لانه من السهل انهم يكسروا منها اى قطعة وتخلى مكانها بعض اللوحات الفنية فى حيطة ظاهرة فى الغرفة لإظهار الديكور.

الشكل العام لغرفة المعيشة

 

لازم تتاكد ان فيه مساحة كافية للحركة وفيه ملاحظة جميلة هنا ممكن نقولها وهى استخدام اغطية الانتريه للمحافظة على شكل الكنب وفى نفس الوقت تعطى له منظر جميل.

وخلى التليفزيون فى ركن بحيث يكون فى مستوى نظر الموجودين ، وممكن تجيب ترابيزة بارفف وتستغل بعضها فى الكتب وبعضها فى العاب الاولاد عشان تجذب اولادك للجلوس معاك فى غرفة المعيشة.

أفكار لتغيير ديكور غرفة الأطفال

ديكورات فى غرف الاطفال
freepik.com/free-photos-vectors/flower

فيه افكار كتير تقدر تعمل بيها ديكورات باقل التكاليف فى غرفة الاطفال منها مثلا انك تختار الوان جريئة غير معتادة ، الناس متعودة على اللون البينك فى غرف البنات والازرق الفاتح فى غرفة الاولاد ، لكن طبعا في الوان لا نهائية ممكن تستخدمها وكمان افكار تانية كتير ممكن تقرأ عنها فى موضوع ديكورات غرف الاطفال.

ديكورات لغرفة النوم

 

تغيير مكان السرير

 

إذا كانت غرفة نومك واسعة وفي حوائط عريضة فممكن انك تبدل مكان السرير لحيطة تانية وتغير اطقم  السرير من ملايات و اغطية مخدات باطقم جديدة ، ولكن غير فى اختيار القماش.

اكسسوارات غرفة النوم

اكسسوارات غرفة النوم
Photographee.eu/stock.adobe

لو مساحة الغرفة عندك تسمح بوجود جلسة ممكن تجيب 2 كرسى مع ترابيزة وتخلى فوقها قطعة اكسسوار كانت قديمة عندك وأنت محتفظ بيها لانك بتعتز بشكلها مثلا ومش لاقى لها مكان مناسب.

عندك كنبة من كنب غرفة المعيشة شايف انها مصغرة الغرفة دى انقلها لغرفة النوم فى زاوية مواجهة للسرير ومع الوقت هتحس ان الغرفة اتغيرت وبعد ما تنقلها  غير لها القماش الخارجى بلون مميز ينسجم مع ألوان الغرفة.

لو مفيش عندك ساعة حائط فى الغرفة جرب تشترى ساعة وتخليها فى حيطة ظاهرة.

ممكن تغير قماش المخدات وتعمل عليهم تطريز بطريقة بسيطة وكده تبقى عملت ديكورات باقل التكاليف ، وجدد فى اماكنهم ، يعنى المخدات الاساسية فى مكانها بس بزاوية ، او رتب المخدات الصغيرة على أطراف السرير بس من فوق شوية يعنى غير من ستايلك فى فرش السرير.

تغيير ألوان غرفة النوم

 

عشان تحس بتغيير فى ديكور غرفة النوم ممكن تدهن 3 حوائط بلون معين انت بتحبه وتخلى حيطة خلفية السرير بورق حائط هيعمل تأثير جميل جدا.

ستائر غرفة النوم

 

لو الستائر قديمة الطراز ممكن تجدد فيها باضافة لمسة خياطة زى تطريز ترتر او خرز او خيط شكله مميز ، وتعمل اشكال مختلفة فى الستارة ، ولو عندك اكتر من ستارة ، خلى التانية زى ماهى هيكون تغيير بدل الشكل التقليدى العادى.

إضاءة غرفة النوم

 

الاضاءة فى غرفة النوم مهمة جدا عشان كده من فترة للتانية حاول تغير اللمبات ، وممكن تشترى نجفة صغيرة تركبها فى السقف مع وجود الساعة هتلاقى نفسك عملت ديكورات باقل التكاليف.

ديكورات مش مكلفة فى مدخل البيت

ديكورات لمدخل البيت مش مكلفة
New Africa/stock.adobe

المدخل منطقة مهمة جدا من بيتك وهو اول حاجة هتشوفها أسرتك وضيوفك فلازم تهتم بتغيير شكله من وقت لآخر بداية من باب البيت اللى ممكن تغير فى اطار الحلايا بتاعته او تدهنه بلون تانى وبردو غير المقبض لو لونه بهت عندك وشكله بقى قديم.

وممكن تحط قطعة موبليا فوقها لوحة جميلة معبرة والوانها متناسقة مع المكان ولو عندك تحفة فنية زى شلال او شجر صناعى ممكن تحطها فوق منتصف الخزينة بشكل جميل يبهر اهلك وزوارك.

لو ممر مدخل بيتك طويل حط فيه مجسم ملون او فانوس بينور بألوان زاهية ، وممكن تعلق على الحيطة حولين اطار اللوحة خيط نور يعمل بهجة فى المكان خاصة لو فيه اطفال لانهم بيحبوا الحاجات اللى بتعطى اضاءة مختلفة عن الإضاءة الاصلية.

ديكورات باقل التكاليف فى المطبخ

ديكورات باقل التكاليف عن طريق دهان علب المطبخ
aetb/stock.adobe

المطبخ من اهم الاماكن فى بيتك وممكن تغير فى شكله بعمل ديكورات باقل التكاليف عن طريق افكار بسيطة مش مكلفة زى تغيير اماكن الاجهزة او الوان بعض علب التخزين او اماكن العلب نفسها.

ممكن تغير لون دهان علب التخزين فى المطبخ لو كانت من الخشب ، ومش بس كده انت ممكن تغير ترتيب العلب دى بحيث انك تخليهم بنفس السهولة فى الاستخدام ، و تقدر تضيف فازة ورد على أطراف الشباك الداخلية تعطيك منظر طبيعى مريح للنفس.

ممكن تغير مكان الترابيزة وتعدل اتجاه الكراسى للناحية التانية ، وتقدر تضيف قطع اكسسوار جميلة زى طبق خزف او شمعدان معدنى سواء كان ذهبى او فضى على حسب لون السيراميك ، مع تغيير مكان سجادة المطبخ وتضيف مشاية عند الباب.

مصادر الصور

الغلاف NaksomritStudio/shutterstock

مواضيع ذات صلة

Leave a Comment